Təyinatı:
Geniş istifadə sahəsinə malik, qatqılarla zənginləşdirilmiş əl ilə istifadə olunan son qat dekorativ gips əsaslı yaxma qarışığıdır. Daxili divar və tavanların, suvaq və astar yaxması çəkilmiş səthlərin boya və digər dekorasiya işləri ücün hazırlanması, gipskarton arakəsmələr arasındakı çat və boşulqların doldurulması üçün istifadə olunur.
Səthin hazırlanması:
Üzlük yaxma çəkilməzdən əvvəl səth tozdan, çirkdən, yad cisimlərdən və yapışmağa mane olan bütün qalıqlardan təmizlənməlidir. Ehtiyac olduqda ilişməni yaxşılaşdırmaq məqsədi ilə 24 saat əvvəl səth “SAF Boya” istehsalı olan “SAFBinder” və ya başqa uyğun su tərkibli astarla yuyulmalıdır.
Qarışığın hazırlanması və istifadəsi:
Təmiz qaba 6-7 L su tökülüb, üzərinə 10 kq yaxma səpələnir , bir neçə dəqiqə gözlədikdən sonra mexaniki üsulla və ya əl ilə bircinsli kütlə əmələ gələnə qədər qarışdırılır. 5-6 dəqiqə gözlədikdən sonra məhlul təkrar qarışdırılır. Mexaniki üsulla qarışdırarkən aşağı dövr sürətindən istifadə etmək lazımdır.
İstifadə qaydası:
Üzlük məhsulu şpatelin vasitəsi ilə səthə çəkilir və hamarlanır. Quruduqdan sonra sumbata kağızı ilə cilalanır.
Texniki göstəricilər
| Rəngi | ağ |
| İstifadə temperaturu | +5ºC÷+30ºC |
| Tətbiq qalınlığı | minimum: 1 mm |
| İstifadə müddəti | 130-150 dəqiqə |
| Donma (bərkimə) müddəti | 300-320 dəqiqə |
| Su/gips nisbəti | 6,5 -7,0 litr su /10 kq gips |
| Quruma müddəti | təqribən 2 gün |
| Möhkəmlik həddi | əyilmədə: 2,4 MPa / sıxılmada: 4,7 MPa |
| Quru halda məhsulun tökmə sıxlığı | 0,72 kq/litr |
| İstifadəyə hazır məhlulun sıxlığı | 1,5 kq/ litr |
| Səthin müqaviməti | 57 Shore D |
| Qablaşdırma | 30 kq-lıq laminasiyalı polipropilen kisələrdə |
Sərfiyyat
SAF üzlük qarışığından istifadə zamanı 1 mm qalınlığında hamar və düzgün səth əldə etmək üçün 1 kq məhsul sərf olunur. 1 kisə SAF üzlük gips qarışığı 30 m2 hamar səth almaq üçün kifayət edir.